Tunglið mitt...

Tunglið mitt,tunglið mitt.Taktu mig á braut og tifaðu.

Hver samdi.Af hvaða plötu.Hverjir fluttu. ?????

Myndir af fótsporum á tunglinu

Gagnrýni á gagnrýni.

Gagnrýni á gagnrýni. Hef ákveðið að leyfa mér að svara gagnrýni frá Jóni Agnari Ólasyni sem birtist í Mogganum , núna 14 júlí.  Af hverju ætla ég að gera það. Jú , vegna þess að Jón Agnar setur í fyrirsögn fram spurningu sem hljóðar Best fyrir....hvern ?

 Ég tel mig geta veitt svör þar sem ég , þrátt fyrir að vera annar af stofnmeðlimum Best Fyrir , get stigið út fyrir ramman og gefið mitt álit á þessu verki , þar sem ég á ekki nema eitt lag og texta að nafninu til , þó að ég telji mig nú sem meðhöfund að vel flestu sem Elmar ákvað að skildi fara á þessa skífu . Ég til að mynda hefði aldrei ákveðið að syngja þessi lög og texta nema að því að mér fannst mikið í þá spunnið , flesta. Ég er nefnilega líka sammála Jóni Agnari í nokkrum atriðum. Þ.a.l er ég alveg boðlegur til að minnast á það sem miður fer í gagnrýni Jóns , en hann minnist einmitt nánast aðeins á það sem honum finnst miður og honum ekki líkar. Til að svara spurningu Jóns sem hljóðar Best fyrir...hvern ? að þá er því verulega auðsvarað. Platan er auðvitað fyrir okkur og okkar hugðarefni. Ef hún ætti að vera fyrir aðra, með því markmiði að fá t.d spilun á Rás 2 eða Bylgju, þá hefðum við ekki boðið uppá texta,sem Jón kallar reyndar torf, sem fjalla um alvarleg málefni sem hafa okkur snert, t.d dauðan sem kemur jú fyrir og skrifað er um í titilagi plötunar, sungið af Eyþóri Inga, hans frumraun á plötu. Upphafslag plötunnar, Dagur í lífi fjallar á einfaldan hátt um það að vera venjulegur maður sem vinnur fyrir sér og sínum, lætur sig hlakka til að komast heim eftir langan dag. Annars er textunum gerð ýtarleg skil við hvert lag, í textabæklingi.

 Nei, við ákváðum að standa með verkinu svona, en láta eiga sig að semja á einföldu máli, texta við grípandi popplag, sem miðað við spilalista útvarpstöðva, hefði átt meiri séns á spilun.Enda vorum við með eðalhóp af frábærum gestum, sem er hvergi minnst á nema auðvitað Rúnar Júl heitin, eðlilega. Hann söng sitt síðasta lag þarna og gerði þannig að það er með ólíkindum að lagið hafi ekki fengið meiri spilun. Aðrir gestir, sem okkur þykja allir það merkilegir að á það hefði mátt minnast, voru eins og áður segir, Eyþór Ingi,sem þarna syngur sitt fyrsta lag á skífu, Rúnar Þór,sem ekki hefur sungið á plötu síðan 1996 að ég held. Matti Matt syngur ástarlagið Aðeins sem Jón Agnar gefur ekki mikið fyrir textan í en að mínu mati er afar einlægt og fallega ort. Á rás 2 hljómar nú ótt og títt lag með textabrotinu, Þú ert svo sæt,mig langar að borða þig,reyni að hemja mig. Við berum reyndar mjög mikla virðingu fyrir léttum sumarsmellum, erum ofurseldir af aðdáun á Ingó veðurguði, Sálinni og Svörtu fötunum, svo fá dæmi séu tekin. Höfum talað um að létta textana en það hentaði ekki þessu verki.

 Svona til að loka þessu einhverntíman, þá finnst mér Jón Agnar ekki setja frá sér góða gagnrýni þarna, er reyndar sammála honum um nokkur lög sem hann nefnir, en finnst alveg vanta upplýsingar um plötuna og vinnuna sem að henni liggur.Umslag sem er faglegt og metnaðarfullt,í takt við innihald plötunar.Textar og skýringar með. Ekkert er gefið uppi með þá sem að plötunni koma, maður sér það oft í sérstökum haus, dökkletrað. Hef séð frá Jóni gagnrýni á önnur verk og einhvernvegin held ég að hann hafi oft lagt meira á sig. 

Við félaga minn og vin Elmar segi ég bara.3-0 undir í hálfleik,en andstæðingurinn er búin með öll sín tromp !!! Brynjar Davíðsson.

Best Fyrir

Ball á Dallas

Eftir vel heppnað lokahóf pollamótsin,þar sem stemmningin var sú besta í áraraðir,verður dúettin,Best Fyrir aftur á ferð næsta laugardagskvöld og nú á Dalvík.Man nú ekki alveg hvað barinn heitir en ef þú ætlar að mæta þá muntu finna hann.Dúettin Best Fyrir leikur eingöngu íslensk dægurlög.

BF Á POLLAMÓTI

Pollamót.

Ég og Elmar verðum að spila á lokakvöldinu á pollamótinu á laugardagskveldið við Hamar.þar rennum við í gegnum gamla standarda,aðallega íslensk partýlög og reynum eflaust að vera fyndnir.Einnig verð ég einn á föstudagskvöldið,eftir að leikjum líkur og spila nokkur lög,ef ég þori.

 Hérna er Elmar að taka víti á Binna á pollamótinu í fyrra.Elmar leikmaður Innri Fegurðar sem hafði unnið mótið árið áður en Binni í liði Þór-u23.

Þór vann þennan leik og fór í úrslit,en spurningin er,skoraði Elmar,eða ekki ????

Man in the mirror

Við erum slegnir harmi eins og flestir aðrir.King of pop svo sannarlega.Samt mun skuggin yfir hans vafasömu hegðun alltaf hanga yfir fyrir þá sem ekki þoldu hann.Menn munu japla á því.

Who is Bad !!

Michael Jackson er látinn

Gamalt og gott-vol 1.

Árið 1995 kom þessi vágestur til landsins af fullum krafti. Einhverjir hafa legið í valnum síðan. Enn fleiri verða aldrei samir.

Já svona reit Elmar um lagið Alsæla sem við tókum upp sennilega 1995.Lagið er hér að neðan til gamans fyrir harða áðdáendur.Meira af gömlu á næstu dögum.

http://nemendur.khi.is/elmaeiri/01_Alsaela.wma

Ísland í dag.

Hér er hlekkur á vídeó.Lagið er af nýútkominni skífu okkar. Ísland í dag 

http://www.youtube.com/watch?v=fT-ZfKLYuac

Ísland er land þitt.

Dagskráin á 17 júní var slöpp hér á Ak.Já ég segi eins og er.Fór í gærkvöld og eins og ég er ánægður með að fara á útitónleika,þá bara eins og margir aðrir,sem nöldruðu í mér,var þetta bara ekki boðlegt.Á löngum stundum hljómsveitir að spila frekar þunga músík,ágæta á köflum,en allt á ensku.Ég bara nenni ekki að pæla í því þegar ekki er hægt að koma þessu frá sér á íslensku.Lágmark á 17 júni,hið minnsta.

Við Best Fyrir liðar hefðum nefnilega smellpassað þarna um 10 leitið,með okkar poppskotna prógramm,á íslensku.Það er bara þannig !! Sóttum um en fengum þau svör að ekki væri pláss...

Allt í góðu,sjáumst á Fiskidaginn Mikla,verðum þar,á íslensku.

Textabrot dagsins er eftir Magga Eiríks af nýjustu afurð Mannakorna,á íslensku..

Mig langaði í hund,það var haldin fundur.Hann lofaði öllu en aldrei kom hundur.

Ómetanlegt..

Live !!

http://www.facebook.com/event.php?eid=90147123815&ref=nf#/video/video.php?v=1051278122093

Hér er Best Fyrir að spila á útgáfutónleikunum í Ungó.Lagið er Vaka Vaka.

Torg hins himneska friðar...

Fínt gigg á torginu í gærdag,tókum fimm lög af plötunni okkar.Við vorum fyrstir á svið,þökk sé okkar örvhenta en frábæra trommara.Það var reyndar ágætt og slatti af liði að horfa.Annars var mætingin ömurleg og eins og vanalega þegar eitthvað er gert til að rífa upp þennan gráa miðbæ.Akureyringar geta bara skammast sín,sennilega verið fleiri að gúffa í sig fríum pylsum í Húsasmiðjunni.

En ég held að þetta verði nú samt gert aftur í sumar.Er með hugmynd að tónlistarhátið í miðbænum með Akureyrskum/Norðlenskum listamönnum.Hvernig væri það ? Liistamennirnir mega vera brottfluttir,eru hugmyndir???