Rúnar Júlíusson

Hr. Rúnar Júlíusson lifir að eilífu. Holdgervingur rokksins, uppspretta gleðinnar, sendiboði gæskunnar og töfrandi töffið sem hann bjó yfir mun áfram svífa yfir, hvar sem menn munu hlusta á hann. Rúnar verður nærri hér eftir sem áður. Guði sé lof fyrir það. Rúnar Júl á tryggan stað í hjörtum okkar sem og flestra Íslendinga. Þennan stað í hjartanu sem nú hefur særst er hægt að sefa. Setjið bara tónlistina hans Rúnars á fóninn og njótið. Það tryggir hjartahlýju og gleði.