Gettu nú -vol 1

 

Næstu daga mun bestfyrir.blog.is leysa frá skjóðunni um leynigesti á komandi breiðskífu hljómsveitarinnar Á augnabliki...lokar þú augunum. Miklar líkur eru á því að þessar fréttir muni hrista upp í íslenskum tónlistarheimi sem nú liggur hélaður eftir jólaplötufylleríið. Hér á síðunni munum við gefa nöfn þessara söngvara í aldursröð.
Sá yngsti er því fyrstur. Þrátt fyrir ungan aldur, rétt skriðinn yfir fermingu er þarna á ferðinni drengur með mikla reynslu úr sjónvarpi og af spilamennsku. Hann kemst hærra en flestir og lægra en margir. Hann hefur ásjónu Baldurs úr Goðafræðinni (mundi ég halda) og hefur sungið hlutverk Jesú Krists með glæsibrag.
Lesendum vefjarins gefst nú kostur á að geta til um hvern ræðir. Sá sem getur rétt fær óskalag á næstu tónleikum Best Fyrir.

Athugasemdir

[Júlíus Garðar Júlíusson, 22.1.2009 kl. 14:18]

Eyþór Ingi Gunnlaugsson

[Elmar Sindri (IP-tala skráð) 22.1.2009 kl. 16:52]

Ansinn skansinn. Rétt svar er komið strax. Þetta er ótrúlegt.

Júlli. Þú ræður prógramminu hjá Best Fyrir á Fiskidaginn 2009

[B (IP-tala skráð) 22.1.2009 kl. 17:36]

Já,við bíðum öll spennt eftir næstu getraun,er það ekki krakkar ?

[Magnús Geir Guðmundsson, 24.1.2009 kl. 17:25]

Þetta kallast víst "Að leita ekki langt yfir skammt" í vali á gestasöngvara, það er nokkuð ljóst og því kemur heldur ekki mjög á óvart, að sigurvegarinn hafi heldur ekki þurft að leita langt yfir skammt, eða leggja haus í sundlagina á Dalvík til dæmis,til að geta rétt!

[Elmar Sindri (IP-tala skráð) 24.1.2009 kl. 18:01]

Best Fyrir liðar lofa erfiðari getraun næst, það er næsta víst. Hef á tilfinningunni að Magnús Geir sé líklegur að hreppa hnossið þar.

[Magnús Geir Guðmundsson, 25.1.2009 kl. 03:53]

Ussuss Elmar Sindri, veistu ekki að það er ókarlmannlegt að tjá tilfinningar sýnar upphátt!?

En auðvitað yrði gaman ef svo ólíklega vildi til að ég hreppti hnossið, að verða KJÖLFESTUFJARFESTIR í næstu plötu sveitarinnar sem kæmi út eigi fyrr né síðar en 6. júní 2010, 95 ára afmælisdegi ÞÓRS!