Gleði Jól..

Hljómsveitin Best Fyrir óskar öllum Gleðilegra Jóla.

Rúnar

Það mætti sýna jarðarför Herra Rokk í Sjónvarpinu.Þar væru afnotagjöldin vel nýtt.

Sjónvarpað frá útför Rúnars

Rúnar Júlíusson

Hr. Rúnar Júlíusson lifir að eilífu. Holdgervingur rokksins, uppspretta gleðinnar, sendiboði gæskunnar og töfrandi töffið sem hann bjó yfir mun áfram svífa yfir, hvar sem menn munu hlusta á hann. Rúnar verður nærri hér eftir sem áður. Guði sé lof fyrir það. Rúnar Júl á tryggan stað í hjörtum okkar sem og flestra Íslendinga. Þennan stað í hjartanu sem nú hefur særst er hægt að sefa. Setjið bara tónlistina hans Rúnars á fóninn og njótið. Það tryggir hjartahlýju og gleði.

 

 

Lokið Keppni

Snillingur hefur lokið keppni......

Við minnumst frábærs tónlistarmanns og mannveru....

 Miklu meira um Rúnar Júlíusson síðar......

Nú er tími til að hlusta á tónlistina sem hann skilur eftir.....

Rúnar Júlíusson látinn

Eitthvað er í loftinu.

Það er óhætt að segja að við Best fyrir liðar gerum okkar besta til að gleyma grámanum sem er að heltaka okkar litlu þjóð.Hvað við gætum nú haft það gott þessar 300.000 hræður ef ekki væri hér endalaus spilling og yfirvöld sem hugsa eingöngu um sinn eigin hag.Hver er okkar bjartasta von,Þorgerður Katrín kannski ?? Já nei takk.Hún hefur sannarlega sýnt það í verki að hún er heltekin af græðgi eins og aðrir sem eru í áhrifastöðum.

En við erum að gera okkar til að vera jákvæðir og glaðir.Við  erum að klára plötuna okkar og þetta er eins og Þorgerður Katrín segir,spennandi tímar.....

 

Lífið er aðeins....

 

    Fyrsta breiðskífa Best fyrir kom út í mars árið 2003. Ber hún heitið Lífið er aðeins...þessar stundir. 

    Umslagið hannaði Steinunn Ásta Eiríksdóttir, myndlistarkona á Svalbarðseyri.

 Yrkisefni texta plötunnar eru ýmist um ástina, morð, fíkn, þunglyndi, unglingsárin og fleira mannlegt.

 Þið getið hlustað á hana með því að smella http://nemendur.khi.is/elmaeiri/

Einnig munu lög sveitarinar birtast í tónlistarspilaranum von bráðar.

Saga.

 

              

 

    Saga Best fyrir nær aftur til kennaraverkfallsins 1995. Þá byrjuðum við skólabræðurnir úr Glerárskóla: Elmar Sindri Eiríksson, Brynjar Davíðsson, og Kristján Kristjánsson að æfa upp argasta pönk undir hljómsveitarnafninu Getuleysi. 

    Fyrstu lögin sem við æfðum voru Lay lady lay með Bob Dylan og Stórir strákar fá raflost. Æfingar voru klukkan 8 á morgnana í kjallaraholu heima hjá Kidda hvíta - Ekkert gauf takk fyrir! Nafnið breyttist svo í Vonleysi og síðan í Best fyrir. Sumarið 1995 bættust Kristján Örnólfsson og Elmar Steindórsson við. 

    Sumarið 1996 lék Jens Ólafsson með bandinu. Þá var smá meik hugur í gangi og hliðarhljómsveitin Fudd varð til.

    Helstu gigg Best fyrir voru á Dropanum sáluga í miðbæ Akureyrar og í félagsheimili Þórsara, Hamri. Hátindi ,,ferilsins" náði bandið svo á balli á Þórshöfn veturinn ´97 þar sem við héldum að frægðin myndi fanga okkur. Það varð svo úr að þetta var síðasta ball Best fyrir og reyndar eina skiptið sem við spiluðum utan bæjarmarka Akureyrar.

    Hljómsveitin hætti snemma árs 1997. Þá fór Kiddi K í kvikmyndagerðarnám til Noregs með konu sinni og með barn á leiðinni. Ég, Binni og Elmar Steindórs stofnuðum fjölskylur en Stjáni og Jenni reyndu að láta meikdrauma okkar allra rætast með harðkjarnabandinu Gimp (síðar Toy Machine). Það gekk reyndar ekki en Jenni er ennþá að gera það gott með þungarokkurunum í Brain Police.

    Haustið 2001 tókum við Binni upp þráðinn að nýju og hófum að semja dægurlög í gríð og erg. Eftir margar yndislegar samverustundir með dætrum okkar í sælunni á Dalvík stóðum við uppi með það mikið efni að okkur fannst tilhlýðilegt að koma því frá okkur. Þá hringdum við í gamlan félaga okkar hann Atla Rúnarsson og tókum upp með honum frumburðinn Lífið er aðeins...þessar stundir veturinn 2002-3.

    Platan inniheldur 13 lög á íslensku. Við fengum jákvæða gagnrýni í Mogganum þar sem tónlistinni var helst líkt við The Smithereens og R.E.M. Við höfum því miður ekkert spilað í kjölfar plötunnar og selt afar lítið. Við erum fastir í þeirri afneitun að það sé ástæðan fyrir dræmum undirtektum. Þess vegna höfum við gefið megnið af plötunum en erum þó með nokkur eintök til sölu í Pennanum, Glerártorgi á Akureyri. Einnig er Best fyrir stödd í einhverju formi á Rokk.is, Músik.is og Tónlist.is.

    Fyrir utan þessa plötu höfum við í sameiningu eða sundraðir gert hvatningarlög fyrir fótboltaliðin okkar. Við erum allir Þórsarar að upplagi en Atli gerði lag fyrir þá fyrir nokkrum árum sem Binni söng. Það er einmitt fyrsta opinbera upptakan sem til er með söngvara Best fyrir. Binni sauð sjálfur saman lag fyrir grenvíska stórveldið Magna, sem Atli þjálfar nú og ég hef gert lög fyrir Leiftur/Dalvík og Dalvík/Reyni. Kíkið á fótboltalögin hér að ofan.

    Helstu átrúnaðargoð mín í tónlistinni eru hinir óviðjafnanlegu Bítlar. Þar á eftir koma svo Queen og The Clash. Í íslensku deildinni eru það Bubbi, Björn Jörundur og Halli Reynis sem eru í mestu uppáhaldi.

    Geiri Sæm, Maggi Eiríks, Megas og Gunni Þórðar eru líka frábærir. Síðan er ég afar hrifinn af Maus og 200.0000 Naglbítum. Bönd sem standa öðrum framar í fersku og innihaldsríku rokki á undanförnum áratug.

    Efst á síðunni getur þú kíkt á myndir og lög og texta sem tengjast hljómsveitinni. Skemmtu þér vel.

 

Meira

Hér verður fjallað um Hljómsveitina Best Fyrir.Sveitin hefur gefið út eina skífu sem nefnist

Lífið er aðeins...þessar stundir Hún kom út árið 2003.

Von er nýju efni í upphafi næsta árs 2009

Upphaf !

Allt á sér upphaf og endi......

Þetta er upphaf.